My Photo
Name:
Location: Egypt

Tuesday, November 07, 2006

والله مازعلت الضي


وإن سألوك الناس عن ضي
جوه عيونك مبيلمعشي
متخبيش
قلهم العيب مش فيّه
ده العيب في الضي
وأنا مش عاشق ضلمه
ولا زعلت الضي
....

تلك الأغنية مهداه للذي قال أنني أمارس الاكتئاب على سبيل الهواية
....

يعني أنا كان نفسي أكيد أبقى عادية وهبله
ودماغي بتلؤ من الفراغ اللي جواها
وآقصى حاجة بفكر فيها إني أتجوز واحد وخلاص
وأكمل حياتي هبلة وعادية
ومدقش في التفاصيل
....

ياخي يلعن دين المعرفة على دين الإحساس بالعجز

17 Comments:

Blogger Omar said...

هههههه تروق وتحلى

Tuesday, November 07, 2006 6:32:00 PM  
Blogger Mohamed Mehrez said...

الأغنية دي أنا بعشقها جدا
وبحس انها اتكتبت عشاني :D

"تلك الأغنية مهداه للذي قال أنني أمارس الاكتئاب على سبيل الهواي"

سيبك منهم...في ناس مبتقدرش تفهم اللي احنا حاسين به وبيعتبرونا بنمثل أو بندي الحاجة أكبر من حجمها...لأنهم مش حاسين باللي احنا حاسين به

Tuesday, November 07, 2006 8:36:00 PM  
Blogger خوليو said...

قديش قلبى معكن, قديش مزاجى قاسى

Tuesday, November 07, 2006 11:04:00 PM  
Blogger ekarros said...

يا ستي يلعن دين اللي يزعلك

Wednesday, November 08, 2006 12:49:00 AM  
Anonymous أنا said...

هتعملي فيه جميل لو ادتيني لينك الأغنية ديه

Wednesday, November 08, 2006 1:45:00 AM  
Blogger film69 said...

يااااه .. أنتي تاني :))
حمدالله على السلامة
عن إدمان الإكتئاب من عدمه ، أرى أنه إن كانت هناك علاقة بين الاكتئاب والمعرفة والغوص في التفاصيل ، إلا أنه ليس هناك علاقة شرطية بين السعادة وفراغ الرأس ، ربما العكس فهناك علاقة خفية بين السعادة والعمق
راجعي يا عروسة ما كتبتيه أنتي في البوست السابق من 5 شهور فقط ربما تدركين ما أعني
تحياتي

Wednesday, November 08, 2006 9:53:00 AM  
Blogger Dananeer said...

حاجه غريبه اوى
بقينا نتمنى نكون تافهين و دماغنا فاضيه
عشان تعبنا
و عشان نريح اللى حوالينا
الاحساس ده مش انتى لوحدك اللى بتحسيه
لسه كنت بتكلم مع واحده صاحبتى قالتلى نفس الكلام
اوحش حاجه بقى ان الواحد بيحس قد ايه هو مريخى لما بيقعد مع بنات و ستات بالذات

Wednesday, November 08, 2006 10:36:00 AM  
Blogger 3arousa 7alawa said...

Omar: يارب ياخويا يا رب
Mohamed Mehrez: هي فعلاً أغنية بسيطه قوي وبتلمس المشاعر
وعلى فكره أنا مش زعلانه من الناس اللي مش بتفهمني أنا زعلانه من نفسي
خوليو: يسلم قلبك ومزاجك كمان
ekarros: وحشتني انت وشوية ناس قليلين
أنا: للأسف معنديش الأغنية دي من الزمن السحيق أيام الشرايط وكده
film69: أيوه أنا تاني.... عمر الشقي بقي
فينك بقى؟؟؟؟ أنا قريت السيناريو بتاعك وبعتلك مسج عالموبايل بس انت مش هنا
شكلها كده محتاجه نفساني يظبط المسائل
المسألة مش المعرفة والتفاصيل.. الألم في العجز
Dananeer: آه أنا قلبي واجعني قوي من كده وكل ما بقدر أفضفض باعمل كده... منوراني

Wednesday, November 08, 2006 2:28:00 PM  
Blogger بعد الطوفان والجو شبورة said...

لأ بقى .... علامة عجيبة حصلت ..
أنا حملت الغنوة دى من 10 دقايق ع البلوج و دخلت مدونتك لقيتك كاتبة كلامها ...... إيه بقىىىىىىى !!!!!!!

منورة العالم يا أحلى عروسة حلاوة

Thursday, November 09, 2006 4:43:00 AM  
Blogger bluestone said...

مش سهل الناس تفهم فمتنتظريش ان اي حد ممكن يفهم
الناس اللي احساسها عالي عايشين على وتر مشدود .. بيبقوا عاملين زي عصفور ماشي على سلك كهربا طول الوقت مقارنة بالاخرين اللي زي البط اللي ماشي على الارض ...

تخيلي الفرق وساعتها هتدركي

قد ايه احنا محظوظين وقد ايه احنا اتعس خلق الله

ساعات كتير كنت بحلم ان امتلك القدرة على أن اقلع دماغي واعيش زي بقيت الناس .. وابقى بنت بمقاييسهم .. بس خلاص على رأيي صديق وزميل سلك
IT'S TOO LATE YA WALDY

Thursday, November 09, 2006 11:10:00 AM  
Blogger 3arousa 7alawa said...

بعد الطوفان والجو شبورة: العلامات كترت واللا إييييييه؟؟؟؟ عموما ياريت تحط اللينك هنا علشان الناس اللي عايزاها دي

bluestone: أنا مش عايزه ناس بتفهم أنا عايزه ناس بتحس... أول مره أزور مدونتك وشكلي هزورك تاني كتير

Thursday, November 09, 2006 11:50:00 PM  
Blogger lastknight said...

صاحب العقل يشقى فى النعيم بعقله
و أخو الجهالة فى الشقاوة ينعم
قاعده قالوها اللى قبلنا ..أبتلانا الله بنعمة العقل و التفكير ..فعلينا أن ندفع ثمن تلك النعمه
المدونه بأكملها رائعه .. و شرفتنى زيارتك

Friday, November 10, 2006 12:39:00 PM  
Blogger بعد الطوفان والجو شبورة said...

ده لينك الغنوة


http://www.6rbtop.com/library/resources/Koctail_egyption/Collection/listen/30508_hi.ram

أى خدمة

Saturday, November 11, 2006 1:33:00 AM  
Blogger خوليو said...

...إحم

Saturday, November 11, 2006 2:50:00 AM  
Blogger Lion king™ said...

ممكن اسلم :)

Sunday, November 12, 2006 11:25:00 PM  
Blogger Simsima said...

عروسة
دي أول مرة أعدي علي مدونتك، الأغنية دي عبقرية ومليانة مشاعر ، بس عارفة أنا بحسها أكتر بصوت أحمد زكي -الله يرحمه- أنا طبعا بحب وجيه عزيز بس إلا الأغنية دي ، أحد زكي بيقولها بوجع حقيقي. . .اللي عنده الأغنية دي بصوت أحمد زكي هابقي مدينة ليه بحاجات كتير. .

Tuesday, November 14, 2006 2:03:00 PM  
Blogger tona said...

ايه اللي ممكن يتقال لحد بيزود احساسنا بالغربه عن طريق عدم فهمه لفاصيلنا ..

Tuesday, February 06, 2007 8:30:00 PM  

Post a Comment

Links to this post:

Create a Link

<< Home