والله مازعلت الضي
وإن سألوك الناس عن ضي
جوه عيونك مبيلمعشي
متخبيش
قلهم العيب مش فيّه
ده العيب في الضي
وأنا مش عاشق ضلمه
ولا زعلت الضي
....
تلك الأغنية مهداه للذي قال أنني أمارس الاكتئاب على سبيل الهواية
....
يعني أنا كان نفسي أكيد أبقى عادية وهبله
ودماغي بتلؤ من الفراغ اللي جواها
وآقصى حاجة بفكر فيها إني أتجوز واحد وخلاص
وأكمل حياتي هبلة وعادية
ومدقش في التفاصيل
....
ياخي يلعن دين المعرفة على دين الإحساس بالعجز
posted by 3arousa 7alawa | 2:41 PM
17 Comments:
هههههه تروق وتحلى
الأغنية دي أنا بعشقها جدا
وبحس انها اتكتبت عشاني :D
"تلك الأغنية مهداه للذي قال أنني أمارس الاكتئاب على سبيل الهواي"
سيبك منهم...في ناس مبتقدرش تفهم اللي احنا حاسين به وبيعتبرونا بنمثل أو بندي الحاجة أكبر من حجمها...لأنهم مش حاسين باللي احنا حاسين به
قديش قلبى معكن, قديش مزاجى قاسى
يا ستي يلعن دين اللي يزعلك
هتعملي فيه جميل لو ادتيني لينك الأغنية ديه
يااااه .. أنتي تاني :))
حمدالله على السلامة
عن إدمان الإكتئاب من عدمه ، أرى أنه إن كانت هناك علاقة بين الاكتئاب والمعرفة والغوص في التفاصيل ، إلا أنه ليس هناك علاقة شرطية بين السعادة وفراغ الرأس ، ربما العكس فهناك علاقة خفية بين السعادة والعمق
راجعي يا عروسة ما كتبتيه أنتي في البوست السابق من 5 شهور فقط ربما تدركين ما أعني
تحياتي
حاجه غريبه اوى
بقينا نتمنى نكون تافهين و دماغنا فاضيه
عشان تعبنا
و عشان نريح اللى حوالينا
الاحساس ده مش انتى لوحدك اللى بتحسيه
لسه كنت بتكلم مع واحده صاحبتى قالتلى نفس الكلام
اوحش حاجه بقى ان الواحد بيحس قد ايه هو مريخى لما بيقعد مع بنات و ستات بالذات
Omar: يارب ياخويا يا رب
Mohamed Mehrez: هي فعلاً أغنية بسيطه قوي وبتلمس المشاعر
وعلى فكره أنا مش زعلانه من الناس اللي مش بتفهمني أنا زعلانه من نفسي
خوليو: يسلم قلبك ومزاجك كمان
ekarros: وحشتني انت وشوية ناس قليلين
أنا: للأسف معنديش الأغنية دي من الزمن السحيق أيام الشرايط وكده
film69: أيوه أنا تاني.... عمر الشقي بقي
فينك بقى؟؟؟؟ أنا قريت السيناريو بتاعك وبعتلك مسج عالموبايل بس انت مش هنا
شكلها كده محتاجه نفساني يظبط المسائل
المسألة مش المعرفة والتفاصيل.. الألم في العجز
Dananeer: آه أنا قلبي واجعني قوي من كده وكل ما بقدر أفضفض باعمل كده... منوراني
لأ بقى .... علامة عجيبة حصلت ..
أنا حملت الغنوة دى من 10 دقايق ع البلوج و دخلت مدونتك لقيتك كاتبة كلامها ...... إيه بقىىىىىىى !!!!!!!
منورة العالم يا أحلى عروسة حلاوة
مش سهل الناس تفهم فمتنتظريش ان اي حد ممكن يفهم
الناس اللي احساسها عالي عايشين على وتر مشدود .. بيبقوا عاملين زي عصفور ماشي على سلك كهربا طول الوقت مقارنة بالاخرين اللي زي البط اللي ماشي على الارض ...
تخيلي الفرق وساعتها هتدركي
قد ايه احنا محظوظين وقد ايه احنا اتعس خلق الله
ساعات كتير كنت بحلم ان امتلك القدرة على أن اقلع دماغي واعيش زي بقيت الناس .. وابقى بنت بمقاييسهم .. بس خلاص على رأيي صديق وزميل سلك
IT'S TOO LATE YA WALDY
بعد الطوفان والجو شبورة: العلامات كترت واللا إييييييه؟؟؟؟ عموما ياريت تحط اللينك هنا علشان الناس اللي عايزاها دي
bluestone: أنا مش عايزه ناس بتفهم أنا عايزه ناس بتحس... أول مره أزور مدونتك وشكلي هزورك تاني كتير
صاحب العقل يشقى فى النعيم بعقله
و أخو الجهالة فى الشقاوة ينعم
قاعده قالوها اللى قبلنا ..أبتلانا الله بنعمة العقل و التفكير ..فعلينا أن ندفع ثمن تلك النعمه
المدونه بأكملها رائعه .. و شرفتنى زيارتك
ده لينك الغنوة
http://www.6rbtop.com/library/resources/Koctail_egyption/Collection/listen/30508_hi.ram
أى خدمة
...إحم
ممكن اسلم :)
عروسة
دي أول مرة أعدي علي مدونتك، الأغنية دي عبقرية ومليانة مشاعر ، بس عارفة أنا بحسها أكتر بصوت أحمد زكي -الله يرحمه- أنا طبعا بحب وجيه عزيز بس إلا الأغنية دي ، أحد زكي بيقولها بوجع حقيقي. . .اللي عنده الأغنية دي بصوت أحمد زكي هابقي مدينة ليه بحاجات كتير. .
ايه اللي ممكن يتقال لحد بيزود احساسنا بالغربه عن طريق عدم فهمه لفاصيلنا ..
Post a Comment
<< Home